اليك أفضل 7 طرق لاختيار الكلية المناسبة في هذا الوقت من كل عام خصوصا بعد ظهور نتيجة الثانوية العامة ، تبلغ الحيرة أشدها في جميع البيوت ويبدأ العد التنازلي لاختيار الكلية التي يتوجه إليها الطالب ، وهنا يكون الخلاف بين رغبة الطالب ورغبة الأهل ، وتكون أحيانا رغبة الطلب تتنافى مع رغبة الاهل ويحدث الصراع والبعد بين وجهات النظر ، والشاهد الاهم ان دائما ما تكون اختيارات الطلاب والاهل غير مناسبة وغير منطقية وإنما هي رغبات غير مسنودة على أساس صحيح دعنا نتعمق في الأمر أكثر .
ليه الطلاب بيختاروا كليات معينة ؟ نقدر نقول اننا سمعنا قصص كتير تخص الموضوع دا منها طالب كان عاوز يبعد عن أهله فبدل ما يختار كلية قريبة اختار مكان بعيد جدا وغيرها كتير من القصص وفي بعض الطلاب بتبقي رغبتهم الأولى كلية معينة رغم أن مجموعها ممكن يدخلهم كليات أعلى لكن حبهم وشغفهم وقدراتهم الإبداعية في المجال دا شايفين انها هتكون اعلى بكتير ممكن يكون من وجهة نظرك ان الاسباب دي مش كافية لاختيار الكلية ، بس اللي لازم تعرفه ان الكلية اللي هتختارها ممكن تكون حلم وممكن تكون كابوس عشان كدا لازم تفكر كويس وتحط بعد النقط التي نقدمها ليكم دي في الحساب وهي عبارة عن أفضل 7 طرق اختيار الكلية المناسبة
ازاي اختار الكلية المناسبة
أسمع للشخصيات القريبة منك
من احسن الطرق الفعالة في اختيار الكلية المناسبة هو الكلام مع الناس القريبة منك اللي هما اكيد هيكون كل واحد فيهم في كلية مختلفة ممكن تستفيد بالتجارب بتاعتهم وتقدر تبني معرفة عامة عن كل كلية وممكن تتكلم مع المدرسين بتوعك والاهل والاقارب سماع الخببرات والاراء المختلفة هيسهل الموضوع عليك ولانهم عارفين قدراتك كويس ونفس الوقت يهمهم مصلحتك هيرشحوا ليك كليات بعينها تتناسب مع قدراتك
ركز علي أهدافك المستقبلية
لما تيجي تختار الجامعة المناسبة ، فكرانت عاوز اي من الجامعة دي ؟ وهتقدر تستفيد ازاي منها وازاي هتقدر تستغل دا مستقبلا لبناء مستقبلك الخاص .
كون قائمة قصيرة بالكليات اللي بتفكر فيها
لازم تقلل عدد الكليات اللي انت محتار بينهم علي قدر ما تقدر ، كل ما قل العدد قلل التشتت واختيارك بقي أسهل
رتب أولوياتك
وفر الوقت الكافي لترتيب الكلية اللي في القايمة بتاعتك ، وحدد الايجابيات والسلبيات بالنسبة ليك وضع في اعتبارك رغباتك واحتياجاتك بعناية عند التفكير في المكان الذي ستقضي فيه السنوات الأربع القادمة أو أكثر.
فكر بواقعية
اسأل نفسك عاوز تقضي الاربع سنين دول فين وهل متخيل الكلية اللي هتدخلها دي لما تتخرج منها هتقدر تحصل علي وظيفة مناسبة بدخل مالي كويس ولالا
البعد عن العاطفة في الاختيار
بعض الناس بتختار الكلية بالعاطفة ومش بيفكر هل ليها مستقبل ولالا بيفكر انها هتكون سهلة ومش هتتعبه وخلاص كدا ودا مصيره الفشل لانه اختياره مش مبني علي أي أسس منطقيه تذكر
قارن بين الكليات
بعد ما تحدد أولولياتك وتصفي الكليات لاقل عدد ممكن وتحدد مميزات وعيوب كل كلية ابدا قارن بين الكليات دي واسال نفسك الاسئلة دي
هل عدد المنافسين كتير ولالا ؟
هل عدد الخريجين من الكلية دي كل سنة كتير ولالا ؟
هل الكلية دي ليها سوق عمل كويس في بلدك ولالا ؟
هل الكلية دي بتجهزك بشكل كويس لسوق العمل ولالا ؟
وبكدا هتقدر توصل لرد علي سؤال ازاي اختار الكلية المناسبة